पुणे प्रतिनिधी तेज न्यूज
संत नामदेव अध्यासन केंद्र, सावित्रीबाई फुले पुणे विद्यापीठ आणि नामदेव समाजोन्नती परिषद, पुणे यांच्या संयुक्त विद्यमाने द्वितीय श्री संत शिरोमणी नामदेवराय साहित्य पुरस्कार वितरण समारंभ रविवार दिनांक २६/०४/२०२६ रोजी सायंकाळी ६:०० वाजता राजीव गांधी ई-लर्निंग स्कूल, शिवदर्शन, पुणे येथे आयोजित करण्यात आलेला आहे, अशी माहिती नगरसेविका श्रीमती स्मिता वस्ते व अध्यक्ष संजय नेवासकर यांनी पत्रकार परिषदेत दिली.
यंदाचा पुरस्कार पंढरपूर येथील संत साहित्याचे अभ्यासक प्रकाश द. निकते यांना मरणोत्तर प्रदान करण्यात येणार असून, महाराष्ट्र राज्य ओबीसी कल्याण मंत्री अतुल मोरेश्वर सावे यांच्या शुभहस्ते तसेच औसेकर महाराज (मठाधिपती, श्रीनाथ संस्था, औसा) व महाराष्ट्र राज्य राज्य मंत्री माधुरीताई मिसाळ यांच्या प्रमुख उपस्थितीत समारंभ पार पडणार आहे.
या कार्यक्रमात महाराष्ट्रातील विविध स्थानिक स्वराज्य संस्थांमध्ये निवडून आलेल्या सदस्यांचा सत्कार समारंभ देखील आयोजित करण्यात आलेला आहे.
प्रकाश द निकते यांचे कुटुंबीय हा पुरस्कार स्वीकारणार आहेत.तसेच कार्यक्रमापूर्वी सायंकाळी ४:३० ते ६:०० या वेळेत “सखया नामदेवा” हा सांस्कृतिक कार्यक्रम पराग हिरवे सादर करणार आहेत.
या प्रसंगी सावित्रीबाई फुले पुणे विद्यापीठाचे प्र. कुलगुरु डॉ. पराग काळकर व संत नामदेव अध्यासनाच्या प्रमुख डॉ. शामा घोणसे उपस्थित राहणार आहेत.
पत्रकार परिषदेत उपाध्यक्ष रणजित माळवदे, सहसचिव प्रविण शित्रे, महेश मांढरे, माधव रंगदाळ, वसंतराव खुर्द, राजन पोरे आदी उपस्थित होते.
.jpg)
