सोलापूर प्रतिनिधी तेज न्यूज
आषाढी एकादशीचा आनंद सोहळा श्री सिद्धेश्वर इंग्लिश मीडियम हायस्कूल येथे दिनांक ५ जुलै रोजी आनंदात साजरा झाला. विठ्ठल रखुमाई, संतांचा पोशाख धारण केलेले आणि हातात दिंड्या पताका घेऊन नाचणारे चिमुकले वारकरी, नामाचा गजर आणि एकंदर उत्साह पूर्ण वातावरणात हा सोहळा संपन्न झाला. सुरुवातीला विविध संत मंडळींच्या वेशभूषेतील तसेच चिमुकल्या वारकऱ्यांची ग्रंथ दिंडी सिद्धेश्वर मंदिरापर्यंत नेण्यात आली.सिद्धेश्वर मंदिर दासोहकडून सर्व विद्यार्थ्यांना भोजन स्वरूप महाप्रसादाचाही लाभ मिळाला. ह्या ग्रंथदिंडीमध्ये सोलापूर भूषण कै.मारुती चितमपल्ली यांच्या स्मृती प्रित्यर्थ त्यांच्या संग्रहित ग्रंथांचा अंतर्भाव होता.
शिक्षण व वाचन माणसाला सुसंस्कृत बनवते म्हणून या आशयाचे फलकही विद्यार्थ्यांच्या ग्रंथ दिंडीत समाविष्ट केले होते. सदर कार्यक्रमासाठी श्री सुनील पुजारी यांची प्रमुख अतिथी म्हणून उपस्थिती लाभली.
अतिथी परिचय स्निग्धा कलशेट्टी हिने करून दिला . अक्षरा पाटणकर व सृष्टी पसारे यांनी प्रभावी सूत्रसंचालन करीत सरस कार्यक्रमांची फुले ओवली. शलाका मठ हिची वारकरी संप्रदायाचे महत्त्व ही एकपात्री नाटिका, संस्कृती गवंडी हिचे भारुड सादरीकरण तसेच तनिष्का नागणे हिचे आषाढी वारीचे महत्त्व याची माहिती, प्रगती ऐवळे हिने सांगितलेले पंढरपूर मंदिर स्वरूप, तसेच भक्त पुंडलिक ही नाटिका तसेच संत गोरा कुंभार ही नाटिका समूहगीत तसेच इयत्ता आठवी व नववीच्या विद्यार्थिनींनी सादर केलेले समूहनृत्य इत्यादी कार्यक्रमांचा अंतर्भाव होता. सुकृता कुलकर्णी हिने भैरवी सादर केली. प्रमुख अतिथिंनी आपल्या भाषणात विद्यार्थ्यांच्या उत्स्फूर्त सहभागाबद्दल तसेच उत्तम सादरीकरणबद्दल प्रशंसा केली. तसेच आषाढीचे धार्मिक महत्त्व ही विशद केले. श्री सिद्धेश्वर शिक्षण समितीचे विश्वस्त श्री विलास कारभारी सरांनी विद्यार्थ्यांना आषाढीच्या शुभेच्छा दिल्या.
कार्यक्रम यशस्वी होण्यासाठी कार्यक्रमाचे अध्यक्ष मुख्याध्यापक श्री. राऊत सर व पर्यवेक्षिका सौ नीता तमशेट्टी, ज्येष्ठ शिक्षिका रेणुका अरोरा यांचे प्रोत्साहन व मार्गदर्शन लाभले. विद्यार्थ्यांना मार्गदर्शन व तयारी करून घेण्यासाठी मराठी विभाग प्रमुख सौ.अंजली खानापूरे व सौ.विजया बिराजदार सांस्कृतिक विभाग प्रमुख सौ रजनी महाजन, श्रुती कुलकर्णी यांनी विशेष परिश्रम घेतले तसेच सौ विजयालक्ष्मी नष्टे, सौ.नीलावती खरात यांचे सहकार्य लाभले.
श्री सहदेव भालेकर, श्री नागेश माळगे व श्री योगेश जवळकोटे यांचे अनमोल सहकार्य लाभले. आभार प्रदर्शन प्रगती तिपरादी हिने केले. कार्यक्रमाचा समारोप इशिता गुमडेल हिच्या पसायदानाने झाला. कार्यक्रमासाठी सर्व शिक्षक व विद्यार्थ्यांची उपस्थिती होती.
