सोलापूर प्रतिनिधी
जिल्हा क्रिडा कार्यालय आणि पंचायत समिती, द सोलापूर यांच्या संयुक्त विद्यमाने आयोजित तालुका स्तरीय क्रिकेट स्पर्धेत प्रशालेच्या १७ वर्ष वयोगट (मुले ) संघाने प्रथम क्रमांक आणि १९ वयोगट (मुले )संघाने द्वितीय क्रमांक प्राप्त करत प्रशालेचे नाव उज्वल केले.या विद्यार्थ्यांना प्रशालेचे क्रिडा शिक्षक रवींद्र डोंबाळे आणि ज्यु. कॉलेज चे विनोद गोकळे यांचे मार्गदर्शन लाभले.
महात्मा गांधी ग्लोबल व्हिलेज इंग्लिश मिडीयम स्कूल बोरामणी येथे दोन दिवसीय स्पर्धात प्रशालेच्या संघांनी यश प्राप्त करत आपला दबदबा निर्माण केला.
स्पर्धेत यश प्राप्त केलेल्या सर्व खेळाडूंचे प्रशालेचे मुख्याध्यापक अतनुरे सर आणि पर्यवेक्षक बिराजदार एस ए सर यांच्या हस्ते प्रमाणपत्र आणि गुलाबपुष्प देऊन कौतुक करण्यात आले. तसेच विद्यार्थ्यांना स्पर्धेसाठी मार्गदर्शन करणारे क्रिडा शिक्षक डोंबाळे सर यांचा देखील सत्कार मुख्याध्यापक, पर्यवेक्षक आणि खेळाडू विद्यार्थ्यांच्या हस्ते करण्यात आला.
याप्रसंगी मुख्याध्यापक अतनुरे सर यांनी यशस्वी विद्यार्थ्यांचे कौतुक करत अधिकाधिक विद्यार्थ्यांनी मैदानी खेळात सहभागी होऊन मोबाईल वरील खेळ टाळवेत आणि मैदानी खेळ कसे आरोग्याला फायद्याचे आहेत याबद्दल आपले मनोगत व्यक्त केले.
सर्व यशस्वी विद्यार्थ्यांचे अभिनंदन करण्यात आले आहे.
