पंढरपूर प्रतिनिधी तेज न्यूज
जैनवाडी ता.पंढरपूर येथील जि.प.प्राथमिक शाळेमध्ये आनंददायी शनिवार या उपक्रमांतर्गत *'बाजार डे'* चे आयोजन करण्यात आले होते.या कार्यक्रमासाठी प्रमुख पाहुणे म्हणून राष्ट्रवादी काँग्रेसचे मा. तालुकाध्यक्ष दीपक पवार व अध्यक्ष म्हणून शाळा व्यवस्थापन समितीचे अध्यक्ष प्रा.गणेश जमदाडे हे उपस्थित होते.
याप्रसंगी बोलताना दीपक पवार म्हणाले की, प्राथमिक शाळेतील मुलांसाठी आयोजित केलेला बाजार डे हा उपक्रम अतिशय चांगला असून त्यामुळे मुलांना व्यवहार ज्ञान व खरेदी, विक्री याबाबत माहिती मिळेल. यासारख्या उपक्रमामुळे शिक्षक, पालक आणि विद्यार्थी यांच्यातील संबंध चांगल्या प्रकारे वृद्धिंगत होतील. हा उपक्रम आयोजित केल्याबद्दल शाळेचे मुख्याध्यापक महादेव जमदाडे व सर्व शिक्षकांचे अभिनंदन केले.
प्रा. गणेश जमदाडे म्हणाले की, बाजार डे सारख्या उपक्रमामुळे मुलांना लहान वयातच खरेदी विक्रीचे कौशल्य आत्मसात करता येईल. मुलांना उत्पादनाची किंमत ठरवणे, पैसे जमा करणे, नफ्याची गणना करणे या गोष्टी शिकता येतील. मुलांना व्यावहारिक अनुभव मिळेल आणि जो त्यांच्या व्यक्तिमत्व विकासाला मदत करेल.
बाजार डे या उपक्रमात मुलांनी भाजीपाला, खाद्य पदार्थ, फळे, बेकरीचे पदार्थ, शीतपेये, शैक्षणिक साहित्य इत्यादी विविध प्रकारचे ७० स्टॉल्स विक्रीसाठी लावले होते.
याप्रसंगी राष्ट्रवादी काँग्रेसचे मा. तालुकाध्यक्ष दीपक पवार, सरपंच शोभाताई गोफणे, शाळा व्यवस्थापन समितीचे अध्यक्ष प्रा.गणेश जमदाडे, महादेव लिंगडे सर, मा. उपसरपंच जालिंदर गोफणे,मच्छिंद्र गोफणे, अशोक सदलगे, मुख्याध्यापक महादेव जमदाडे, भारत गोफणे,किरण सदलगे, सुभाष पवार, अभिमान गोफणे, भाऊसो खेडकर, दिनेश मिरजे, सुहास पवार, सिताराम लिंगे, गणपत दासरे, सोमनाथ जमदाडे, अनिल शिंदे, अमर शिंगटे व बहुसंख्य पालक, शाळेतील सर्व शिक्षक उपस्थित होते.
