महात्मा फुले वाडा समता भूमी येथे अभिवादन
पुणे प्रतिनिधी तेज न्यूज
समाज क्रांतिकारक महात्मा जोतिराव फुले यांच्या शैक्षणिक कार्याची दखल घेऊन पूना महाविद्यालयाचे प्राचार्य मेजर कॅन्डी यांच्या हस्ते पुणे येथील विश्रामबाग वाड्यामध्ये दिनांक 16 नोव्हेंबर 1852 रोजी महात्मा फुले यांचा प्रमुख सरदार यांच्या उपस्थितीमध्ये शाल जोडी देऊन सत्कार करण्यात आला. या घटनेच्या 173 व्या सुस्मरणीय दिनी विश्रामबाग वाडा व महात्मा फुले वाडा येथे महात्मा फुले यांना अभिवादन कार्यक्रम महात्मा फुले विचार अभियान यांच्या वतीने संपन्न करण्यात आला.
याप्रसंगी महात्मा फुले यांच्या शिक्षण, समता, सामाजिक, सत्यशोधन,जाती निर्मूलन, स्त्री शिक्षण या कार्याच्या कृतिशील प्रचार व प्रसार कार्याबद्दल आणि फुले दांपत्याच्या सामाजिक शैक्षणिक संघर्षमय क्रांतिकार्याचे स्मरण म्हणून कार्य करणाऱ्या सेवाभावी व्यक्तींचा सन्मानपत्र व महात्मा फुले यांचे प्रतिमा देऊन सन्मान करण्यात आला. पुणे शहर व परिसरातील 5000 हुन अधिक महिलांचे संघटन करून महिलांना संवादासाठी एक विचारपीठ तयार करून सामाजिक, आर्थिक, कौटुंबिक, शैक्षणिक व व सामाजिक समस्यांवरती उपाय योजना असे कृतिशील कार्य करणारा महिलांचा मॅग्नोलिया ग्रुप यांचा सावित्रीबाई फुले पुरस्कार देऊन सन्मान करण्यात आला. सौ साधना गावडे माजी सरपंच गुणवरे व ईश्वर कृपा शिक्षण प्रसारक मंडळाच्या पदाधिकारी यांच्या सामाजिक व शैक्षणिक कार्याची दखल घेऊन यांना पुण्यश्लोक अहिल्यादेवी होळकर पुरस्कार देऊन सन्मान करण्यात आला.
याप्रसंगी संगीता बोराटे सामाजिक कार्यकर्त्या हडपसर, सौ.कमल ननावरे, सौ.शुभांगी गिरमे,सौ दिपाली गायकवाड, सौ.तेजश्री शेलवंटे मॅग्नोलिया ग्रुप सदस्य, एडवोकेट लक्ष्मी कांबळे, ॲड.राणीताई सोनवणे, सौ. वैशाली पाटील अध्यक्ष कुसुमवासल्य फाउंडेशन, श्री तेजा भास्कर पदाधिकारी महात्मा फुले समता परिषद, श्री राजेश राजगे अध्यक्ष मातंग विकास संस्था पुणे, नितीनकाका बोराटे, शशिकांत बोराटे, श्री प्रशांत फुले, गणेश झुरंगे,श्री प्रशांत शिंदे, रोहिदास शिंदे, प्रकाश डोके महात्मा फुले मित्र मंडळ सदस्य, बाळासाहेब भालेराव, सामाजिक कार्यकर्ता प्रशांत फुले, श्री नितीन लोखंडे सुरक्षा सेवक पुणे महानगरपालिका व फुले प्रेमी उपस्थित होते. उपस्थित सर्व प्रेमींना फुले दांपत्य यांची प्रतिमा भेट देण्यात आली.
अजित जाधव महात्मा फुले विचार अभियान यांनी राबवलेल्या या कार्यक्रमाचे सर्वांनी कौतुक केले. सामाजिक कार्यकर्त्या व लेखिका प्रा. डॉ. उज्वलाताई मोरे यांनी उपस्थित फुले प्रेमी यांचे आभार मानले.
