पंढरपूर प्रतिनिधी
मराठा आरक्षणासाठी पंचायत समिती पंढरपूर येथे लोकशाही मार्गाने आंदोलन करुन आपल्या हक्काची लढाई लढणाऱ्या आंदोलनकर्त्या युवकांना व समाजबांधवाना पंढरपूर- मंगळवेढा विधानसभा मतदारसंघाचे आमदार समाधान दादा आवताडे यांनी तालुक्यातील प्रशासकीय अधिकाऱ्यांसमवेत भेट देऊन मराठा आरक्षणाची ही धगधगती ज्वाला शासन दरबारी पोहोचवून यशस्वी तोडगा काढण्याचे आश्वासन दिले.
"एक मराठा लाख मराठा" हे वाक्य सार्थ ठरवत त्यांच्या समाजशील कार्याला आज प्रत्येक स्तरावरून पाठिंबा मिळत आहे. लाखो मराठा बांधवांसाठी लढणाऱ्या या लढवय्याला पंढरपूर- मंगळवेढातील समस्त मराठा बांधव आपल्या पाठिशी असल्याचेही आमदार आवताडे यांनी सांगितले.
सदर प्रसंगी उपस्थित उपविभागीय पोलीस अधिकारी अर्जुन भोसले , तहसीलदार सुशील बेल्हेकर ,पोलीस अधिकारी मिलिंद पाटील ,पोलीस अधिकारी अरुण फुगे तसेच इतर मान्यवर पदाधिकारी उपस्थित होते.
