देशसेवेचे २४ वर्षांचे व्रत पूर्ण करून मायभूमीत परतलेल्या हवालदार विक्रम नाईकनवरे यांचा पंढरपुरात भव्य गौरव!
देशासाठी आपल्या आयुष्यातील तब्बल २४ वर्षे ३० दिवस समर्पित करून भारतीय सैन्य दलातून सन्मानपूर्वक सेवानिवृत्त झालेले पंढरपूरचे सुपुत्र हवालदार विक्रम राजाराम नाईकनवरे यांचे पंढरपुरात जल्लोषात स्वागत करण्यात आले. 'वर्दीचा सन्मान... तिरंग्याचा अभिमान!' या ब्रीदवाक्याखाली आयोजित करण्यात आलेल्या या गौरव सोहळ्याने संपूर्ण पंढरपूरचे वातावरण देशभक्तीने भारावून गेले. रविवारी, ६ सप्टेंबर रोजी दुपारी १२ वाजता शहरातून भव्य रॅली काढण्यात आली.यावेळी नागरिक आणि तरुणांनी मोठ्या उत्साहात सहभाग घेतला.
'भारत माता की जय!'...
'वंदे मातरम्!' च्या जयघोषाने संपूर्ण परिसर दणाणून गेला.
पंढरपूर रेल्वे टेशन येथून स्टेशन रोड छत्रपती शिवाजी महाराज चौक भक्ती मार्ग परिसरातून रॅली काढण्यात आली गाडगेबाबा चौक येथील विराट मंगल कार्यालयात हवालदार विक्रम नाईकनवरे यांचा मान्यवर, माजी सैनिक, मित्रपरिवार आणि नागरिकांच्या उपस्थितीत विशेष सत्कार करण्यात आला.
२ ऑगस्ट २००२ रोजी भारतीय सैन्य दलातील 'कोर ऑफ सिग्नल'मध्ये दाखल झालेल्या विक्रम नाईकनवरे यांनी तब्बल २४ वर्षे देशसेवा केली. सेवाकाळात त्यांनी देशाच्या विविध भागात महत्त्वाच्या जबाबदाऱ्या पार पाडल्या. पंजाबमध्ये अन्न पुरवठा निरीक्षक म्हणून काम करताना त्यांनी उल्लेखनीय सेवा बजावली. तसेच ड्रिल इन्स्ट्रक्टर आणि डब्ल्यू.टी. उस्ताद म्हणून जवानांना प्रशिक्षण देण्याची जबाबदारीही त्यांनी प्रभावीपणे सांभाळली.
हिमाचल प्रदेश, गोवा आणि पंजाब यांसह विविध ठिकाणी महत्त्वाच्या पदांवर काम करत त्यांनी आपल्या कर्तृत्वाची छाप उमटवली. विशेष म्हणजे, देशसेवा बजावत असतानाच त्यांनी आपले पदवीपर्यंतचे शिक्षण पूर्ण केले. याशिवाय नव्याने सैन्यात दाखल होणाऱ्या रिक्रूट, अग्निवीर आणि ज्युनिअर लीडर ऑफिस लष्करी प्रशिक्षण देण्यातही त्यांनी मोलाचे योगदान दिले.
मी सर्व महाराष्ट्रातील युवकांना एक आव्हान व नम्र विनंती करत आहे की प्रत्येक घरात एक सैनिक निर्माण झाला पाहिजे.देशाची सेवा करताना पुढील पिढीतील जवान घडवण्याचे काम करणाऱ्या या सैनिकाचा पंढरपूरकरांनी केलेला सन्मान निश्चितच अभिमानास्पद ठरला. सत्काराला उत्तर देताना हवालदार विक्रम नाईकनवरे भावूक झाले.
आई-वडिलांची प्रेरणा आणि आजीच्या आशीर्वादामुळेच आपण देशसेवेचे हे खडतर कर्तव्य यशस्वीपणे पार पाडू शकलो, अशी कृतज्ञ भावना त्यांनी व्यक्त केली.
मी देशसेवा करत असताना सर्व माझ्या नातेवाईकांनी माझ्या घराकडे सर्वांकडे पाहिलं लक्ष दिलं मी सीमेवर काम करत असताना माझ्या नातेवाईकांनी सर्व पाहुण्यांनी मित्रमंडळी सर्व परिवाराने पाहिल्या त्याबद्दल त्यांचे मनापासून धन्यवाद
या सोहळ्याचे आयोजन त्यांचे बंधू दीपक राजाराम नाईकनवरे, स्व. राजाराम नाईकनवरे प्रतिष्ठान व सामाजिक संस्था, संतपेठ पंढरपूर, तसेच पंढरपूर-मंगळवेढा तालुका माजी सैनिक संघटना यांच्या संयुक्त विद्यमाने करण्यात आले. या वेळी मोठ्या संख्येने माजी सैनिक, अधिकारी, नागरिक आणि मित्रपरिवार उपस्थित होते. देशाच्या सीमेवर २४ वर्षे तिरंग्याची शान जपणाऱ्या या वीर सुपुत्राला पंढरपूरकरांनी दिलेला हा सन्मान म्हणजे संपूर्ण सैनिक वर्गाच्या त्यागाला आणि देशसेवेला दिलेली मानवंदना आहे.
स्नेहभोजनाने या शानदार सोहळ्याची सांगता झाली.
वर्दी उतरली... पण देशसेवेची भावना कायम राहिली!
हवालदार विक्रम नाईकनवरे यांना त्यांच्या पुढील वाटचालीस तेज न्यूज परिवारा कडून मनःपूर्वक शुभेच्छा!
