भाळवणी नाईकाची प्रतिनिधी तेज न्यूज
भाळवणी येथील कलढोणे परिवाराच्या वतीने एकत्र कुटुंब पद्धती दुर्मिळ होत असताना हमदो हमारे दो च्या काळात भाळवणी येथे पाची भावंडांचा म्हणजे सुदाम दादा कलढोणे, उमराव आण्णा कलढोणे, शंकर बापू कलढोणे, कल्याण भाऊ कलढोणे, आणि शत्रुघ्न तात्या कलढोणे या पाची भावंडांचा सहस्त्र चंद्रदर्शन, अमृतमहोत्सवी सोहळा एकत्रित श्रीराम मंदिर शुक्रवार पेठ,भाळवणी येथे गुरुवारी दि. 21/05/2026 रोजी सकाळी ९:३० वाजता संत शिरोमणी नामदेव महाराज यांचे १७ वे वंशज एकनाथ महाराज नामदास आणि मान्यवर मंडळी यांचे प्रमुख उपस्थितत संपन्न होणार आहे.
या पाची भावंडांनी सामाजिक, शैक्षणिक क्षेत्रात आपला ठसा उमटवला असून शंकरराव कलढोणे गुरुजींनी अनेक विद्यार्थी घडवले,सुदाम कलढोणे यांनी आयुष्यभर रामनामाचा प्रसार प्रचार करत आहेत,उमराव कलढोणे यांनी सामाजिक क्षेत्रात तर कल्याण कलढोणे यांनी प्राध्यापक म्हणून माणगाव येथे शैक्षणिक चळवळीत काम करत पर्यावरण रक्षणासाठी ही वृक्षलागवड करत आहेत.आणि जय भवानी तरुण मंडळांच्या माध्यमातून भाळवणी येथील सांस्कृतिक चळवळ मनापासून टिकवून ठेवण्यासाठी प्रयत्न करत आहेत.
सुरुवातीच्या काळात परिस्थिती हालाखीची असताना सुद्धा त्यावर मात करत कलढोणे परिवार खंबीरपणे उभा राहिला आहे.आणि यावर्षी सर्वांचाच दुग्धशर्करा योग म्हणजे सुदाम कलढोणे,उमराव कलढोणे यांचा सहस्त्र दर्शन, शंकरराव कलढोणे गुरुजी यांचा अमृतमहोत्सवी वर्ष, कल्याण कलढोणे यांची सत्तरी,तर शत्रुघ्न कलढोणे यांची एकसष्ठी कलढोणे परिवाराच्या वतीने आयोजित करण्यात आली असून कार्यक्रमानंतर प्रिती भोजन आयोजित करण्यात आले आहे.
तरी कलढोणे परिवारावर प्रेम करणाऱ्या भाळवणीकर ,आप्तेष्ट,शिक्षक मंडळी मित्र मंडळींनी जास्तीत जास्त संख्येने उपस्थित रहावे असे आवाहन कलढोणे परिवाराच्या वतीने करण्यात आले आहे.
.jpeg)
