उंबरे केंद्रातील क्रीडा स्पर्धां उत्साही वातावरणात संपन्न गटशिक्षणाधिकारी मारुती लिगाडे यांनी दिली भेट
करकंब प्रतिनिधी तेज न्यूज
जिल्हा परिषद सोलापूर यांचे वतीने प्राथमिक शाळांमधील कले बरोबरच शरीरही निरोगी आणि सुदृढ राहण्यासाठी आणि खेळांची आवड निर्माण व्हावी यासाठी लंगडी,खो खो, कब्बडी,बुद्धीबळ,आदी स्पर्धांचे १ ली ते ५ वी आणि ६ वी ते ८ वी या दोन गटात विद्या विकास प्रशाला उंबरे येथे आयोजन करण्यात आले होते.
यामध्ये जिल्हा परिषद प्राथमिक शाळा जळोली शाळेच्या विद्यार्थ्यांनी मोठ्या गटात मुले मुली (लंगडी)प्रथम क्रमांक पटकावत बीट स्तरीय स्पर्धेसाठी निवड झाली असून लंगडी लहान गटात मुले मुली द्वितीय क्रमांक खो-खो तही मोठा गट द्वितीय क्रमांक पटकाविला आणि वैयक्तिक स्पर्धेत पूर्वा मनोज नरसाळे हिचा आणि संघर्ष केशव नरसाळे याचा धावणे स्पर्धेत द्वितीय क्रमांक पटकाविला उंबरे केंद्रातील सर्व शाळांनी उत्साही वातावरणात सहभागी होऊन खिलाडू वृत्तीचे दर्शन घडविले.
याचवेळी या स्पर्धांना पंढरपूर तालुक्याचे कर्तव्यदक्ष गटशिक्षणाधिकारी मारुती लिगाडे यांनी भेट देत सुंदर नियोजनबद्ध क्रिडा स्पर्धेचे कौतुक करत या स्पर्धेमधूनच हेच विद्यार्थी भविष्यात क्रिडा नेतृत्व करतील त्यासाठी प्राथमिक शिक्षक अधिक कष्ट घेत आहेत. याचा अभिमान वाटतो.
यावेळी उंबरे केंद्राचे केंद्रप्रमुख पा.वा.जाधव यांचे मार्गदर्शनाखाली अतिशय सुंदर आयोजन होतं.तसेच केंद्रातील सर्व शिक्षक मोठ्या संख्येने उपस्थित होते.जळोली शाळेच्या सर्व शिक्षकांनी अधिक परिश्रम घेतले.लंगडी या लंगडी क्रिडा स्पर्धेतही यश मिळवत जळोली शाळेची मान उंचावली आहे.या आधीही विद्यार्थी टॅलेंट हंट स्पर्धेत आपला ठसा उमटवला आहे.
यावेळी शाळा व्यवस्थापन समिती अध्यक्ष हनुमंत नरसाळे यांनीही भेट दिली विद्यार्थी विद्यार्थीनींच्या सर्वांगीण विकासासाठी सदैव प्रयत्नशील असताना सर्व पदाधिकारी यांचे मार्गदर्शनाखाली मुख्याध्यापक अनिल जगताप , सहकारी शिक्षक जयवंत कापसे , नागनाथ गायकवाड , सिध्देश्वर लोंढे, कैलास नरसाळे , बाळासाहेब खांडेकर , देवकी कलढोणे -दुधाणे आणि ज्ञानेश्वर दुधाणे अधिक परिश्रम घेत आहेत.
