अकलूज प्रतिनिधी संजय निंबाळकर तेज न्यूज
दसुर (ता. माळशिरस) येथील कु. सोनिया शरद कागदे यांनी जिद्द, चिकाटी आणि अथक परिश्रमाच्या जोरावर महाराष्ट्र लोकसेवा आयोगाच्या परीक्षेत यश मिळवून महसूल अधिकारी (महसूल सहाय्यक) पदावर निवड मिळवली आहे. ग्रामीण भागातील विद्यार्थ्यांसाठी हे यश निश्चितच प्रेरणादायी ठरणार आहे.
कु. सोनिया यांनी स्वेरी अभियांत्रिकी महाविद्यालय, पंढरपूर येथून संगणक विज्ञान आणि अभियांत्रिकीची पदवी घेतली. उच्च शिक्षण घेत असतानाच त्यांनी स्पर्धा परीक्षांची तयारी सुरू ठेवली. अभ्यासातील सातत्य, कठोर परिश्रम आणि योग्य मार्गदर्शन यांच्या जोरावर त्यांनी हे यश संपादन केले.
त्यांच्या या यशाबद्दल कागदे परिवार, ग्रामस्थ दसुर व स्वेरी परिवार यांनी आनंद व्यक्त करत त्यांचे अभिनंदन केले आहे. त्यांच्या यशामुळे गावातील अनेक तरुणांना प्रेरणा मिळणार आहे.
“स्वप्न मोठी असली की संघर्षही मोठा असतो, पण जिद्द आणि मेहनत असेल तर यश नक्की मिळते,” असे कु. सोनिया यांनी सांगितले.
त्यांनी आपले यश आई-वडील, शिक्षक, मार्गदर्शक आणि स्वतःच्या सातत्यपूर्ण प्रयत्नांना समर्पित केले आहे. तेज न्यूज चॅनल परिवाराकडून त्यांच्या पुढील प्रशासकीय कारकिर्दीसाठी अनेक शुभेच्छा!
