म्हसवड प्रतिनिधी तेज न्यूज
सातारा येथे नुकत्याच झालेल्याज्ञऑफ रोडिंग स्पर्धेमध्ये म्हसवडचे सुपुत्र व भाजपा युवा मोर्चाचे प्रदेशाध्यक्ष करणभैया पोरे यांनी या चित्त थरारक स्पर्धेमध्ये प्रथम क्रमांक पटकावत बाजी मारली.
3 व 4 ऑगस्ट 2024 रोजी द फॉरेस्ट लिफ नेचर रिसॉर्ट केळवली ,सातारा येथे Club WOW SATARA ( Wander on wheels ) यांच्या मार्फत ऑफ रोडिंग इंटू द जंगल ही स्पर्धा आयोजित करण्यात आली होती या स्पर्धेमध्ये एकूण 34 गाड्यांनी महाराष्ट्रातील विविध ठिकाणावरून सहभाग नोंदवला होता .
या स्पर्धा तीन प्रकारच्या कॅटेगरीज मध्ये भरवण्यात आल्या होत्या त्यामध्ये एसयूव्ही ( SUV ) वाहन कॅटेगरी डिझेल ( Diesel) वाहन व पेट्रोल (petrol) वाहन कॅटेगरी होते . या स्पर्धा एकूण दोन दिवस घेण्यात आल्या या स्पर्धेच्या एस यु व्ही कॅटेगिरी मध्ये म्हसवडचे करणभैया सुनील पोरे यांच्या थार गाडीने प्रथम पारितोषिक पटकावले यावेळी त्यांच्यासोबत को-ड्रायव्हर म्हणून निखिल माळी व मसुरचे गणेश वेल्हाळ यांनी भाग घेतला तसेच द्वितीय पारितोषिक नाशिकच्या सागर गाडेकर यांच्या थार गाडीने पटकावले व तृतीय क्रमांक पूणे येथील प्रविण पवार यांच्या थार गाडीने पटकावले. त्याप्रमाणे पेट्रोल वाहनांमध्ये प्रथम क्रमांक वैभव कदम यांच्या जिप्सीने पटकावले तर द्वितीय क्रमांक पुणे येथील पृथ्वीराज भोसले यांच्या जिप्सीने व तृतीय क्रमांक पुणे येथील सागर यांच्या जिप्सीने पटकावले. डिझेल वाहनामध्ये प्रथम क्रमांक कोल्हापूरच्या राकेश यांच्या जिपने पटकावले तर द्वितीय क्रमांक सांगली येथील प्रियश यांच्या महिंद्रा इनवेडर व तृतीय क्रमांक सर्जेराव यांच्या थार सीआरडीई ने पटकावले.
या स्पर्धेचे आकर्षण म्हणजे पाऊस व चिखल त्यातून मार्ग काढत आपलं कला कौशल्य दाखवणे व स्पर्धेचे ट्रॅक कमी वेळात पूर्ण करणे.
या स्पर्धेचे उत्कृष्ट आयोजन अनिकेत दिलीप जाधव यांनी केले होते व त्यांना या स्पर्धेमध्ये सुरज यादव , विशाल शेलार ,अमोल गुजर ,रोहित कदम , अमित कोळी , व सहकाऱ्यांनी सहकार्य केले .
या स्पर्धेचे उत्कृष्ट नियोजन केल्याबद्दल करण भैया पोरे मित्र समूह यांच्यामार्फत वाव क्लब यांच्या संपूर्ण टीमचे आभार मानण्यात आले.
या चित्तथरारक स्पर्धेमध्ये करणभैय्या पोरे यांनी प्रथम क्रमांक पटकाविल्याबद्दल अनेक मान्यवरांनी त्यांचे अभिनंदन केले आहे.
