वाळवा प्रतिनिधी तेज न्यूज
वाळवा तालुका बौद्ध सोसायटीचे वानलेसवाडी हायस्कूल अँड जुनियर कॉलेज वानलेसवाडी , येथे आज 16 जुलै 2024 रोजी आषाढी एकादशी निमित्त दिंडी सोहळा आयोजित करण्यात आला .विठ्ठल रुक्मिणीच्या पालखीचे पूजन वाळवा तालुका बौद्ध सोसायटीचे विद्यमान सचिव मा.विवेक (भाऊ) धनवडे साहेब ,संस्थेचे कार्यवाह बिराजदार सर ,शाळेचे मुख्याध्यापक जाधव सर ,कार्यक्रमाचे प्रमुख पाहुणे प्राध्यापक सुरेश पोळ या सर्व मान्यवरांच्या हस्ते पूजन झाले.आषाढी एकादशीचेे महत्व श्री सांगलीकर सरांनी विद्यार्थ्यांना सांगितले. प्राध्यापक सुरेश पोळ सरांनी. आळंदी ते पंढरपूर पायी दिंडी सोहळा आयोजित केला जातो. त्याचे महत्त्व ,वारकरी वारकरी म्हणजे काय, संतांचे कार्य ,महाराष्ट्र ही संतांची भूमी आहे .याविषयी विद्यार्थ्यांना सखोल असं मार्गदर्शन केले. वानलेसवाडी परिसरामध्ये इयत्ता 1ली ते 7 वी मधील विद्यार्थ्यांनी विठ्ठल ,रुक्मिणी, ज्ञानेश्वर मुक्ताबाई,अशा विविध वेशभूषा करून आषाढी एकादशी पायी दिंडी सोहळा मार्गस्थ झाला. कार्यक्रमाचे सूत्रसंचलन सौ दळवी मॅडम यांनी केले .कार्यक्रमाचे आभार श्री कांबळे ए.ए .सरांनी मानले .
सर्व पालकांनी या दिंडीमध्ये सहभाग घेतला कार्यक्रमाचे अचूक नेटके नियोजन शाळेचे मुख्याध्यापक जाधव सरांनी केले. याप्रसंगी शिक्षक ,शिक्षकेतर कर्मचारी व विद्यार्थी उपस्थित होते.
