कोर्टी, पंढरपूर प्रतिनिधी तेज न्यूज
एसकेएन सिंहगड कॉलेज ऑफ इंजिनिअरिंग, कोर्टी, पंढरपूर येथे AICTE IDEA Lab अंतर्गत दि. २ ते ४ नोव्हेंबर २०२६ या कालावधीत Industrial Person Awareness Program (औद्योगिक क्षेत्रातील प्रतिनिधींसाठी जनजागृती कार्यक्रम) आयोजित करण्यात आला.
या कार्यक्रमाचा मुख्य उद्देश औद्योगिक क्षेत्रातील व्यक्तींना महाविद्यालयातील AICTE IDEA Lab च्या अत्याधुनिक सुविधा, आधुनिक तंत्रज्ञान आणि कौशल्याधारित प्रशिक्षणाच्या संधींची माहिती करून देणे हा होता.
कार्यक्रमादरम्यान सहभागी प्रतिनिधींना IDEA Lab मधील विविध उपकरणे, प्रोटोटाइप निर्मिती प्रक्रिया आणि आधुनिक तंत्रज्ञानाच्या प्रत्यक्ष उपयोगाची माहिती देण्यात आली. यामध्ये 3D Printing, CNC Machining, Laser Cutting, Vinyl Cutting, Innovation आणि Prototyping यांसारख्या तंत्रज्ञानाचे प्रात्यक्षिक व मार्गदर्शन करण्यात आले.
औद्योगिक क्षेत्रातील गरजा आणि शैक्षणिक संस्थांमधील उपलब्ध तांत्रिक कौशल्ये यांच्यात समन्वय निर्माण करणे, उद्योगाभिमुख कौशल्य विकासाला चालना देणे, तसेच नवकल्पनांना प्रत्यक्ष उत्पादनाचे स्वरूप देण्यासाठी IDEA Lab चा प्रभावी वापर करणे, हा या उपक्रमाचा महत्त्वपूर्ण हेतू होता.
या उपक्रमामुळे उद्योग आणि शैक्षणिक संस्था यांच्यातील सहकार्य अधिक दृढ होण्यास मदत होणार असून, विद्यार्थ्यांमध्ये संशोधन, नवोपक्रम, उद्योजकता आणि प्रत्यक्ष तंत्रज्ञानाधारित कौशल्ये विकसित करण्यासाठी नवी संधी उपलब्ध होणार आहे.
महाविद्यालयाचे प्राचार्य व कॅम्पस डायरेक्टर डॉ. कैलास करांडे, उपप्राचार्य डॉ.स्वानंद कुलकर्णी, डॉ.चेतन पिसे यांच्या मार्गदर्शनाखाली AICTE IDEA Lab च्या माध्यमातून अशा नाविन्यपूर्ण उपक्रमांचे आयोजन करण्यात येत आहे.
कौशल्य विकासातून नवोपक्रमाकडे आणि नवोपक्रमातून उद्योगाभिमुख प्रगतीकडे वाटचाल करणारा हा उपक्रम महाविद्यालयाच्या तंत्रज्ञानाधारित शैक्षणिक विकासातील एक महत्त्वपूर्ण टप्पा ठरला.
