बीड प्रतिनिधी तेज न्यूज
महाराष्ट्रासह संपूर्ण देशभरातील विविध पोटजातींमध्ये विखुरलेल्या शिंपी समाजाला एका व्यापक व्यासपीठावर आणण्यासाठी आगामी नोव्हेंबर किंवा डिसेंबर महिन्यात नवी दिल्ली येथे भव्य राष्ट्रीय शिंपी समाज महासंमेलन आयोजित करण्याचा संकल्प करण्यात आला आहे.
या महासंमेलनाच्या नियोजनासह समाजाच्या विविध समस्या, मागण्या आणि सर्वांगीण विकासाच्या विषयावर चर्चा करण्यासाठी गुरुवार, दि. २० ऑगस्ट रोजी बडवणी शहरातील मे.जी.एल. माळवदे कापड दुकान येथे शिंपी समाज बांधवांची महत्त्वपूर्ण बैठक उत्साहात संपन्न झाली.
महाराष्ट्रामध्ये शिंपी समाजाच्या शिंपी, नामदेव शिंपी, भावसार शिंपी, अहिर शिंपी, कोकणी शिंपी, लिंगायत शिंपी, जैन शिंपी, वैष्णव शिंपी, मेरु शिंपी, तेलगू शिंपी, दर्जी यांसह विविध पोटजाती आढळतात.
त्याचप्रमाणे देशातील विविध भाषिक व प्रादेशिक भागांमध्ये या समाजाच्या विविध नावांनी पोटजाती ओळखल्या जातात. मात्र, विविध पोटजाती व संघटनांमध्ये समाज विभागला गेल्यामुळे अपेक्षित सामाजिक व संघटनात्मक एकजूट निर्माण झालेली नाही. हीच परिस्थिती बदलून राष्ट्रीय स्तरावर संपूर्ण शिंपी समाजाला एका छताखाली आलेल्या आहेत.
अखिल भारतीय नामदेव क्षत्रिय महासंघाचे राष्ट्रीय अध्यक्ष भास्करराव टोम्पे व समन्वयक अनंतराव जागजोड यांच्या मार्गदर्शनाखाली प्रदेशाध्यक्ष संतोष मुळे व संघटक कैलास धोकटे हे संपूर्ण महाराष्ट्राचा दौरा सुरु करुन जिल्हा,महाराष्ट्राचा दौरा करुन जिल्हा, तालुका आणि येथे आणण्याच्या उद्देशाने दिल्ली येथे राष्ट्रीय महासंमेलनाचे आयोजन करण्यात येणार आहे
महाराष्ट्रातील गावनिहाय समाजबांधवांच्या भेटी घेत आहेत. विविध ठिकाणी कॉर्नर बैठका घेवून आगामी राष्ट्रीय महासंमेलनाचे स्वरुप, नियोजन आणि समाजाच्या प्रमुख प्रश्नांवर व्यापक चर्चा केली जात आहे.
याच अभियानाचा एक भाग म्हणून बडवणी येथे झालेल्या बैठकीस शिंपी समाज बांधवांचा मोठा प्रतिसाद मिळाला. बैठकीच्या प्रारंभी वडवणी तालुका शिंपी समाज बांधवांच्या वतीने प्रदेशाध्यक्ष संतोष मुळे व संघटक कैलास धोकटे यांचा स्वागत-सत्कार करण्यात आला. यावेळी रमेशशेठ भाटी,डॉक्टर किरणकुमार कोळेकर,हरिष वाव्हळ,मयुर पोव्हरे गणेश अनंत होमकर,श्रीकांत शामराव भागवत राजू वडे,सुनील होमकर दीपक सातपुते महेश धोकटे आदि उपस्थित होते.
