पंढरपूर प्रतिनिधी तेज न्यूज
पंढरपूर तालुक्यातील कौठाळी येथील १४ मच्छीमारांना जाळी अनुदान वाटप मत्स्य व्यवसाय सहाय्यक आयुक्त राजेश पाटील यांच्या हस्ते करण्यात आले. कार्यक्रमाच्या अध्यक्षस्थानी वरिष्ठ लिपिक विनोद वाघमोडे होते.
मच्छीमारांनी शासनाच्या विविध योजनेचा लाभ घेऊन उद्योजक बनावे असे आवाहन मत्स्य सहाय्यक आयुक्त राजेश पाटील यांनी केले.
यावेळी मा.उपसरपंच रामदास नागटिळक यांनी कौठाळी येथील मच्छीमारांना व्यवसाय करण्यासाठी मोफत होडी देण्याची मागणी केली.
या कार्यक्रमाच्या वेळी हरी सलमपुरे, दादासो नगरे,सोमनाथ सलमपुरे, चंद्रकांत नगरे, रूपाली नगरे, राजू नगरे, राहुल सलमपुरे नितीन नगरे, चंदुलाल भोई, माणिक नगरे, दत्तात्रय नगरे, कृष्णा सोलमपुरे, नंदकुमार सलमपुरे,सुनील सलमपुरे यांच्यासह तारापूर, कान्हापुरी येथील मत्स्य व्यवसायकांना जाळी अनुदान वाटप करण्यात आले. या कार्यक्रमास सरपंच महादेव गाढवे, शेतकरी संघटनेचे अध्यक्ष शिवाजी नागटिळक, सतीश भोई, नंदकुमार भोई, समाधान भोई यांच्यासह बहुसंख्या मत्स्यव्यवसायिक उपस्थित होते. कार्यक्रमाचे सूत्रसंचालन रामदास नागटिळक यांनी केले तर उपस्थित मान्यवरांचे आभार हरी सलमपुरे यांनी मानले.
