कोलकात्यातील घटनेच्या निषेधार्थ उद्या पंढरपुरात डॉक्टरांचा बंद
पंढरपूर प्रतिनिधी तेज न्यूज
कोलकात्याच्या आरजी कार मेडिकल कॉलेजमध्ये प्रशिक्षणार्थी डॉक्टरवर झालेल्या बलात्कार आणि हत्या प्रकरणामुळे संपूर्ण देश हादरला असून देशभरातून संताप व्यक्त करण्यात येत आहे.
या घटनेनंतर देशभरात डॉक्टरांचे मोठे आंदोलन देखील झाले होते. आता या घटनेच्या निषेधार्थ इंडियन मेडिकल असोसिएशन वतीने शनिवार १७ ऑगस्ट रोजी देशव्यापी संप पुकारला आहे. तसेच,आयएमएकडून रुग्णालयांना सेफ झोन घोषित करण्याची मागणी करण्यात आली आहे. या देशव्यापी आंदोलनाचा देशातील वैद्यकीय सेवेवर मोठा परिणाम दिसून येणार आहे. तसेच आता डॉक्टरांकडून देशभरात आंदोलन तीव्र 17 ऑगस्ट रोजी बंद पुकारण्यात येत असल्याचे जाहीर करण्यात आले आहे. यामुळे सर्व दवाखाने, क्लिनिक्स, ओपीडीच्या सेवा १७ ऑगस्ट सकाळी ६ ते १८ ऑगस्ट सकाळी ६ पर्यंत बंद ठेवण्यात येणार आहे. मात्र, अतिआवश्यक सेवा सुरु राहणार आहेत. याशिवाय, आयसीयू, अपघात विभाग आणि प्रसूती विभागही सुरु ठेवणार असल्याचे आयएमएने आपल्या पत्रकात स्पष्ट केले आहे. तब्बल २४ तास इतर सेवा बंद राहणार आहे. इंडियन मेडिकल असोसिएशन एकजुटीने या संपामध्ये उतरणार असून कोलकात्यातील घटनेनंतर अश्या घटना पुन्हा घडू नयेत याकरिता बंदचे पाऊल उचलण्यात आले आहे. आरोग्य कर्मचाऱ्यांसाठी सुरक्षा कायदा करण्याची मागणी यावेळी करण्यात आली आहे.
यावेळी पंढरपूर आय एम ए संघटेनेचे अध्यक्ष डॉ. शितल शहा, डॉ. संजय देशमुख,डॉ. रवी आहेर डॉ. सुखदेव कारंडे,डॉ. प्रदीप केचे,डॉ. सुधीर आसबे,डॉ. अमोल परदेशी,डॉ रवी राज भोसले,डॉ विनायक उत्पात आदीसह आय एम ए संघटेनचे डॉक्टर व हॉस्पिटलचे कर्मचारी उपस्थित होते.
