बारामती पोटनिवडणूक : शरद पवार यांना इच्छा असूनही सुमित्राताई पवार यांना मतदान करता येणार नाही; का ?

 

बारामती प्रतिनिधी तेज न्यूज 

 बारामती विधानसभा मतदारसंघातील पोटनिवडणुकीत ज्येष्ठ नेते Sharad Pawar यांना इच्छा असूनही मतदान करता येणार नसल्याची माहिती समोर आली आहे. १९६७ पासून सातत्याने मतदानाचा हक्क बजावणाऱ्या शरद पवार यांना यंदा प्रथमच या प्रक्रियेपासून दूर राहावे लागणार आहे.

मिळालेल्या माहितीनुसार, प्रकृती अस्वास्थ्यामुळे शरद पवार यांना मुंबईतील रुग्णालयात दाखल करण्यात आले आहे. डॉक्टरांनी त्यांना प्रवास टाळण्याचा आणि पूर्ण विश्रांती घेण्याचा सल्ला दिल्याने बारामती येथे जाऊन मतदान करणे शक्य नसल्याचे त्यांनी स्पष्ट केले. त्यामुळे अत्यंत नाईलाजाने हा निर्णय घ्यावा लागल्याचे त्यांनी  सोशल मीडियाद्वारे सांगितले.

दरम्यान, स्व. अजितदादा पवार यांच्या दुर्दैवी अपघाती निधनानंतर होत असलेल्या या पोटनिवडणुकीला विशेष भावनिक पार्श्वभूमी लाभली आहे. राष्ट्रवादी काँग्रेस पक्ष (शरदचंद्र पवार गट) यांनी या निवडणुकीत सुमित्रा ताई पवार यांना पाठिंबा जाहीर केला आहे.

पवार यांनी बारामतीतील मतदारांना आवाहन करत म्हटले आहे की, सुनेत्रा पवार यांना मतदान करणे ही स्व. अजित पवार यांना श्रद्धांजली ठरेल. तसेच बारामतीकरांनी पक्षावर दाखवलेला विश्वास कायम ठेवत मोठ्या संख्येने मतदान करावे, अशी अपेक्षाही त्यांनी व्यक्त केली.

पवार यांनी निवडणूक आयोगाकडे पर्यायी मतदानाच्या सुविधांबाबत चौकशी केली होती. मात्र असे पर्याय उपलब्ध नसल्याचे अधिकाऱ्यांकडून स्पष्ट करण्यात आल्याने त्यांना मतदानापासून दूर राहण्याचा निर्णय घ्यावा लागला.

या संपूर्ण घडामोडीमुळे बारामती पोटनिवडणुकीत राजकीय तसेच भावनिक वातावरण अधिकच तीव्र झाले असून, मतदारांच्या प्रतिसादाकडे सर्वांचे लक्ष लागले आहे.