सोलापूर प्रतिनिधी तेज न्यूज
सोलापूर महापालिका निवडणुकी करिताची प्रभाग क्र, ९,११,१२, व १३ ची प्रभाग रचना अव्यवहार्य व अन्यायकारक असल्याने स्थानिक नागरिकहित समुह व प्रबोधन सेना यांच्या वतीने हरकत बुधवार दि.१० सप्टेबर रोजी हरकत देण्यात आली अशी माहिती ॲड.सुरेश गायकवाड यांनी माहिती माध्यमांशी दिली.
राज्यातील स्थानिक स्वराज्य संस्थांच्या निवडणुका करिता राज्य निवडणूक आयोगाने तयारी सुरू केली आहे.सोलापूर महानगरपालिकेची प्रभाग रचना ३/९/२५ रोजी प्रसिद्ध केली आहे.
शहर सोलापूर महापालिके करिता एकूण १०२ सदस्य निवडून देण्याचे असून त्याकरिता २६ प्रभागात विभाजन करणेत आले आहे.
यामध्ये कसबे सोलापूर , रविवार पेठ, दाजी पेठ विडी घरकुल, एम.आय.डी.सी. परिसर मधील प्रभाग क्र.९,११,१२,१३ याची प्रारूप रचना अत्यंत अव्यवहार्य, अन्यायकारक असून नैसर्गिक न्याय तत्वाला तिलांजली देणारी आहे. या चार ही प्रभागाची सिमारेखा ठरविताना मुंबई प्रांतिक महानगरपालिका अधिनियम १९४९ मधील कलम.५ , व ५अ ला पूर्णपणे छेद दिला आहे. प्रभागाच्या सिमाचे विभाजन करताना मुख्य रस्ता, नैसर्गिक मर्यादा,नागरिकांचे हित, भाषीक समतोल , अस्तित्वात असणाऱ्या निवासी वसाहतीची रचना , लोकसंख्येचे प्रमाण याचा कोठेही विचार केला नाही. यापूर्वी २०१७ ला असलेली रचना पुन्हा कायम केली आहे.त्यामुळे सदस्य निवडीतील रोटेशन खंडीत झाले आहे . विशेषतः कर्णीक नगर , एकता नगर,पद्मा नगर , स्वातंत्र्य सैनिक नगर, सुतमिल परिसर, मल्लिकार्जुन नगर, , संगमेश्वर नगर,पडगाजी नगर, कामगार वसाहत,आशा नगर, एम.आय डी सी परिसर आदी वसाहतीचे ३-४ प्रभागात विभाजन करून अत्यंत विस्कळीतपणा केला आहे. ही रचना अव्यवहार्य व अन्यायकारक आहे. याबाबत आपण स्थानिक नागरीहित समुह आणि . प्रबोधन सेना यांच्या वतीने रविवार दि. ७/९/२५ रोजी नागरिकांची प्रभाग सभा घेऊन हरकतीचे मुद्यावर चर्चा केली. त्यातील चर्चेतील मुद्यावरून मसुदा तयार केला व आज बुधवार दि.१०/९/२५ रोजी हरकत दिली असल्याची माहिती ॲड.सुरेश गायकवाड यांनी दिली.
यावेळी कर्णिक नगर संस्थेचे चेअरमन प्रा .अशोक काजळे, प्रबोधन सेनेचे अध्यक्ष टी.ए.जाधव, कर्णीक नगर क संस्थेचे व्हा.चेअरमन शशिकांत विभुते सर, यशराज नगर चे ॲड.सुनिल क्षीरसागर, मल्लिकार्जुन नांगर चे जयंत कदम, रंगराज नगर चे रतन गायकवाड, एकता नगर चे प्रशांत माने, पडगाजी नगर चे राजू शिंदे, एम.आय.डी. परिसर वसाहतीचे बबलू बागवान , गांधी नगर अक्कलकोट रोड परिसराचे क्षीरसागर, कर्णिक नगर ब संस्थेचे व्हा.चेअरमन प्रा. एस.आर.पाटील, सचिव छत्रपती केने , ॲड. जयंत शिंदे ॲड . दादासाहेब जाधव, दिनकर जगदाळे , संतोष कांबळे प्रा. कृष्णात देवकर, शिवसेना उध्दव बाळासाहेब ठाकरे पक्षाचे अनिल कोंडुर, जयंत कदम , नंदकुमार गव्हाने, सुरेश काळंगे प्रा.अनिल लोंढे , मोहोनराव पाटील,आदी उपस्थित होते.
या सर्वांनी आपल्या भावना माध्यमां समोर मांडून संताप देखील व्यक्त केला.
