मंगळवेढा प्रतिनिधी तेज न्यूज
पंढरपूर मंगळवेढा मतदारसंघांमधील एका गावामध्ये चौकात असलेल्या पटांगणामध्ये शुद्ध पिण्याच्या पाण्यासाठी आरो फिल्टर बसवलेला आहे ते पाणी नेण्यासाठी गावातील सर्व महिला चौकामध्ये येत असतात मात्र त्या आरो फिल्टर च्या बाजूला सहा अवैध दारू विक्रीची दुकाने आहेत त्यामुळे त्या अवैध दारू विक्रीच्या त्रासाला कंटाळून सर्व महिलांनी सोलापूर राज्य उत्पादन शुल्क विभागाच्या वरिष्ठ अधिकाऱ्याकडे याची तक्रार केली होती त्या वरिष्ठ पदावर महिला अधिकारी असूनही त्यांनी महिलांच्या तक्रारीची दखल घेतली नाही तेथील अवैध दारू दुकानांचे उद्घाटन त्या गावचे उपसरपंच करत असल्याचेही वर्तमानपत्रात आले होते सध्या सोलापूर राज्य उत्पादन शुल्क दारू विकण्याचे परवाने अवैध मार्गाने देते की काय असा प्रश्न सामान्य जनतेमधून विचारला जात आहे तरी दारू विक्री त्यांना पाठीशी घालणाऱ्या अधिकाऱ्यावर कारवाई करणार का असा प्रश्न आमदार समाधान आवताडे यांनी अधिवेशनामध्ये उपस्थित केला.
आमदार आवताडे उपस्थित केलेल्या प्रश्नाला उत्तर देताना उपमुख्यमंत्री अजित पवार यांनी "कठोरात कठोर कारवाई केली जाईल" असे उत्तर दिले.
राज्याच्या अर्थसंकल्पीय अधिवेशनादरम्यान धर्मादाय दवाखाने तसेच खाजगी हॉस्पिटलच्या माध्यमातून रुग्णांची आर्थिक लूट केली जात असून शासन निर्णयाप्रमाणे १० टक्के बेड राखीव असून देखील बेड उपलब्ध होत नाही. त्यामुळे संबंधित मुद्द्यांवर प्रश्न उपस्थित करून सभागृहाचे लक्ष वेधले.
👉 धर्मादाय अंतर्गत चालवल्या जाणाऱ्या हॉस्पिटल मधून जनतेची होणारी लूट व रुग्णांना देण्यात येणाऱ्या सेवेमध्ये दुजाभाव केला जातो तसेच रुग्णांवर आवश्यक उपचार केला जात नाही. त्यामुळे संबंधित धर्मादायी दवाखान्यांचा आढावा घेऊन विश्वस्त मंडळावर कारवाई करण्याची मागणी केली.
👉 तसेच धर्मादाय रुग्णालयांमध्ये व खाजगी रुग्णालयांमध्ये रुग्णसेवेच्या नावाखाली मोठ्या प्रमाणात आर्थिक लूट केली जाते व त्यांना सेवा दिली जात नाही. तसेच अव्वाच्या सव्वा बिल आकारून रुग्णांची आर्थिक लूट केली जाते. त्यामुळे राज्य शासनाने खाजगी रुग्णालयांवर निर्बंध घालावेत..
