पंढरपूर प्रतिनिधी
पंढरपूर नगरपरिषद प्रस्तावित बुद्धभूमी येथील बोधिवृक्षास जलसिंचीत करून नामदार छगन भुजबळ यांनी प्रस्तावाची सविस्तर माहिती घेतली.
त्यांनी या प्रस्तावास मूर्त स्वरूप देण्यासाठी संबंधित वरिष्ठ अधिकऱ्यांसमवेत बैठक घेऊन लवकरात लवकर निर्णय घेतला जाईल अशी ग्वाही दिली.
सध्या महाराष्ट्रातच नव्हे तर जगभरातील द्वेषमूलक परिस्थितीत जगाला समतेच्या प्रवाहात आणण्यासाठी बुद्धाचेच विचार मार्गदर्शक ठरतील.
आपण प्रत्येकानी या मार्गाचा अवलंब करून स्वतःची प्रगती तथा उत्कर्ष साधला पाहिजे असे प्रतिपादन करीत उपस्थितांना मार्गदर्शन केले.
याप्रसंगी सम्यक क्रांती मंच चे संस्थापक सिद्धार्थ जाधव यांनी प्रास्ताविक करताना या बुद्धभूमिवर अध्यात्माची परमोच्च अनुभूती देणारी विपश्यना बोधिसत्व पांडुरंगाच्या पंढरीत घडावी. आणि ही बुद्धभुमी एक आंतरराष्ट्रीय दर्जाचे पर्यटन स्थळ लवकरात लवकर निर्माण व्हावे असा उद्देश विशद केला.
या कार्यक्रमात सम्यक क्रांती मंच चे महाराष्ट्र प्रदेशाध्यक्ष प्रशांत लोंढे यांनी ना. भुजबळ यांना पुष्पहार देऊन त्यांचे स्वागत केले तर माजी नगराध्यक्षा उज्वला भालेराव यांनी मान्यवरांचे आभार मानले.
या प्रसंगी माजी नगराध्यक्ष लक्ष्मण शिरसट, माजी नगरसेवक डी. राज सर्वगोड, माजी जिल्हा परिषद सदस्य हरी गावंधरे, युवक नेते ॲड. किर्तीपाल सर्वगोड, ॲड. सुदत्त दंदाडे, ब स पा चे रवि सर्वगोड, चेअरमन संतोष सर्वगोड, राष्ट्रवादी काँग्रेसचे नवनाथ कांबळे आदी मान्यवर उपस्थित होते.
या कार्यक्रमाचे सूत्र संचालन प्रा. मोरे सर यांनी केले.
हा कार्यक्रम यशस्वी करण्यासाठी मंच चे पदाधिकारी स्वप्नील गायकवाड, केदार चंदनशिवे, कालिदास जाधव, प्रवीण माने, आर्किटेक्ट संदीप बनसोडे, राजन गायकवाड, अक्षय सोनवणे, निलेश सोनवणे, आनंद चंदनशिवे इत्यादी पदाधिकारी यांनी विशेष परिश्रम घेतले.
.jpg)
