पंढरपूर प्रतिनिधी
रयत शिक्षण संस्थेचे कर्मवीर भाऊराव पाटील स्वायत्त महाविद्यालय वनस्पतीशास्त्र विभाग पंढरपूर यांनी शेती आणि पशुसंवर्धन या प्रवर्गातून प्रथम क्रमांक मिळवला.
विद्यापीठ स्तरावरील संशोधन अधिवेशन यंदा पुण्यश्लोक अहिल्यादेवी होळकर सोलापूर विद्यापीठ सोलापूर येथे पार पडले. वनस्पतीशास्त्र विभागातील एमए एसएससी भाग दोनची विद्यार्थिनी कु. पूजा विष्णू चव्हाण हिने पिकांवरील कीटकनाशकांचा प्रादुर्भाव कमी व्हावा यासाठी ऑर्गेनोसोल हे कीटकनाशकाचे उत्पादन तिने सादर केले होते. ह्या उत्पादनासाठी विद्यापीठ स्तरावर तिला प्रथम क्रमांक मिळाला आता तिची राज्यपातळीवर निवड झाली आहे.
ऑर्गेनोसोल या उत्पादनासाठी वनस्पतीशास्त्र विभागतील सर्व प्राध्यापकांचे व विद्यार्थ्यांचे सहकार्य मोलाचे आहे. वनस्पतीशास्त्र विभागाचे विभाग प्रमुख डॉ.एन.एम.पिसे यांनी मार्गदर्शन केले आणि प्राचार्य डॉ. सी. जे. खिलारे यांनी सहकार्य केले. रसायनशास्त्र विभागाचे विभागप्रमुख कवडे सर, प्राणीशास्त्र विभागाचे प्राध्यापक मामलय्या व मोरे सर यांचेही वेळोवेळी मार्गदर्शन मिळाले.
सध्याच्या वाढत्या आधुनिक शेती प्रणालीमध्ये होणाऱ्या हानिकारक कीटकनाशकांचा वापर हा वाढत चालला आहे. अतिवापर हा मानवी जीवनासाठी हानिकारक ठरू शकतो. त्यालाच पर्यायी म्हणून ऑर्गेनोसोल हे ऑरगॅनिक कीटकनाशक त्या विद्यार्थिनींनी व तिच्या सहकाऱ्यांनी तयार केले असून,जे की मानवी जीवनासाठी सुरक्षित आहे. हे तयार करण्यासाठी सर्व जैविक घटकांचा वापर करून ते कीटकांवरती अतिशय परिणामकारक कसे ठरू शकते याचे उत्तम उदाहरण म्हणजे ऑर्गेनोसोल हे होय.
