खोके सरकारच्या नाकर्तेपणामूळे वेदांता फॉक्सकॉन प्रकल्प गुजरातमध्ये गेला, त्यामुळे लाखो युवकांचा रोजगार हिरावला :- वाहिद बिजापुरे
सोलापूर प्रतिनिधी
आज रोजी सोलापूर शहर मध्य विधानसभा युवक काँग्रेसच्या वतीने शहर अध्यक्ष गणेश डोंगरे, व शहर मध्य युवक कॉंग्रेस अध्यक्ष वाहिद बिजापुरे यांच्या नेतृत्वाखाली, चुकीचे धोरणे राबवून युवकांना बेरोजगार करणाऱ्या पंतप्रधान नरेंद्र मोदी यांचा जन्मदिवस बेरोजगार युवकांच्या वतीने गेंट्याल चौक येथे हातगाडीवर पकोडे तळून चहा विकून बेरोजगार दिन साजरा करण्यात आला. आणि पंतप्रधान नरेंद्र मोदींना रोजगाराभिमुख धोरणे राबविण्याची सुबुद्धी द्यावी असे म्हणून त्यांना जन्मदिवसाच्या शुभेच्छा दिल्या.
तसेच यावेळी शिंदे, फडणवीस खोके सरकारच्या नाकर्तेपणामुळे वेदांता फॉक्सकॉन प्रकल्प नरेंद्र मोदींनी गुजरात ला पळविला याचा निषेध करण्यात आला.
यावेळी बोलताना सोलापूर युवक कॉंग्रेस शहर अध्यक्ष गणेश डोंगरे म्हणाले की, गेल्या आठ वर्षांपूर्वी वर्षाला 2 कोटी रोजगार देतो म्हणून खोटे आश्वासन देऊन सत्तेवर आलेल्या मोदी सरकारमुळे गेल्या पंचेचाळीस वर्षातील बेरोजगारीचा रेकॉर्ड मोडला आहे. तसेच महाराष्ट्रातील अनेक उद्योग गुजरात ला पळवित आहेत. म्हणून आज पंतप्रधान नरेंद्र मोदी यांचा जन्मदिवस बेरोजगार दिन म्हणून साजरा केला आहे.
यावेळी बोलताना शहर मध्य विधानसभा युवक कॉंग्रेस अध्यक्ष वाहिद बिजापुरे म्हणाले की, पंतप्रधान नरेंद्र मोदी यांच्या चुकीच्या धोरणामुळे देशात बेरोजगारी प्रचंड वाढली आहे. याउलट भाजप नेते बेताल वक्तव्य कोणी म्हणतो पकोडे विका, कोणी म्हणतो भाजप कार्यालयात चौकीदारीची नोकरी देतो, सरकारी कंपन्या विकत आहेत, नोटबंदी आणि चुकीच्या पद्धतीने राबविलेले GST या मुळे उद्योगधंदे बंद पडत असताना महाराष्ट्रातील ED च्या कृपेमुळे सत्तेवर आलेल्या शिंदे फडणवीस खोके सरकारच्या नाकर्तेपणामुळे वेदांता फॉक्सकॉन प्रकल्पामार्फत महाराष्ट्रातील लाखो तरुणांना रोजगार मिळणार होता. मात्र तो नरेंद्र मोदी, फडवणीस यांनी प्रकल्प गुजरात मध्ये नेला यामुळे तरुणांचा रोजगार हिरावले गेले आहे म्हणून रोजगार हिरावणाऱ्या पंतप्रधान नरेंद्र मोदी यांचा वाढदिवस आज रोजी बेरोजगार युवकांच्या वतीने पकोडे तळून बेरोजगार दिन म्हणून साजरा करण्यात आला.
या कार्यक्रमास मा. परिवहन समिती सदस्य तिरुपती परकीपंडला, उत्तर युवक कॉंग्रेस उपाध्यक्ष शरद गुमटे, सलमान शेख, शब्बीर फुलमामडी, आफताब बिजापुरे, रईस मकानदार, बुगप्पा म्हेत्रे, रफिक चकोले, अल्ताफ बिजापुरे, राजू आंबेवाले, करीम मकानदार, लक्ष्मण बाडीवाले, शहबाज बेपारी यांच्यासह इतर बेरोजगार युवक सहभागी झाले होते.
