पुणे प्रतिनिधी तेज न्यूज
विधानपरिषदेच्या पाच जागांसाठीच्या निवडणुकीचा बिगुल वाजला असून अर्ज भरण्याची मुदत संपली आहे. त्यामुळे पाचही मतदारसंघांतील लढतींचे प्राथमिक चित्र आता स्पष्ट झाले आहे. पुणे शिक्षक, पुणे पदवीधर, नागपूर पदवीधर, अमरावती शिक्षक आणि छत्रपती संभाजीनगर पदवीधर या मतदारसंघांमध्ये प्रमुख पक्षांच्या उमेदवारांसह बंडखोर आणि अपक्षांनीही शड्डू ठोकल्यामुळे निवडणूक अत्यंत रंजक व चुरशीची ठरणार आहे. तर आत्तापर्यंत किती आले उमेदवारी अर्ज अन् किती ठरले वैध, जाणून घ्या सविस्तर.
◼️ पुणे विभाग शिक्षक मतदारसंघासाठी ६७ उमेदवारी अर्ज दाखल झाले आहेत. तर पुणे पदवीधर मतदारसंघासाठी ८७ उमेदवारी अर्ज दाखल करण्यात आले होते. ६७ उमेदवारांचा आकडा हा पदवीधरचा नसून शिक्षक मतदारसंघाचा आहे.पुणे पदवीधर मतदारसंघ - एकूण ८७ अर्जांपैकी छाननीनंतर ६७ उमेदवारांचे अर्ज वैध ठरले आहेत (काही ठिकाणी ६९ अर्ज वैध ठरल्याचे वृत्त आहे). या मतदारसंघासाठी भाजपकडून डॉ. स्मिता योगेश जाधव तर महाविकास आघाडीकडून राष्ट्रवादी काँग्रेसचे (शरद पवार गट) प्रदीप माने निवडणूक लढवत आहेत.पुणे शिक्षक मतदारसंघ - एकूण ६७ अर्जांपैकी छाननीनंतर ४८ उमेदवारांचे अर्ज वैध ठरले आहेत. या मतदारसंघात महायुतीचे कौस्तुभ गावडे (भाजप) आणि महाविकास आघाडीचे जयंत आसगावकर (काँग्रेस) यांच्यात प्रमुख लढत आहे, तर शिवसेनेकडून (शिंदे गट) मंगेश चिवटे यांनीही बंडखोरी करत अर्ज भरला आहे.
◼️नागपूर विभाग पदवीधर मतदारसंघ निवडणुकीसाठी छाननी प्रक्रियेदरम्यान ६५ उमेदवारांचे अर्ज समोर आले होते. या मतदारसंघासाठी ६ ऑक्टोबर २०२६ रोजी अर्ज भरण्याची अंतिम मुदत संपल्यानंतर ७ ऑक्टोबर रोजी अर्जांची छाननी करण्यात आली.
◼️छत्रपती संभाजीनगर विभाग पदवीधर मतदारसंघ (पूर्वीचा औरंगाबाद विभाग) निवडणुकीसाठी एकूण ६२ उमेदवारांनी ९२ अर्ज दाखल केले आहेत। निवडणूक निर्णय अधिकाऱ्यांनी घेतलेल्या छाननी प्रक्रियेनंतर ही आकडेवारी समोर आली आहे..
◼️अमरावती विभाग शिक्षक मतदारसंघ निवडणुकीच्या अर्जांच्या छाननी प्रक्रियेनंतर सध्या ३० उमेदवार निवडणूक रिंगणात कायम आहेत. ◼️पदवीधर आणि शिक्षक मतदारसंघाच्या निवडणुकीची घोषणा, मतदान अन् निकाल कधी?
महाराष्ट्र विधानपरिषदेच्या 3 पदवीधर आणि 2 शिक्षक मतदारसंघांच्या निवडणुकीची अधिकृत घोषणा झाली आहे. 23 ऑक्टोबर 2026 रोजी मतदान होणार असून 27 ऑक्टोबर रोजी मतमोजणी होऊन निकाल जाहीर केला जाणार आहे.
◼️निवडणुकीचे संपूर्ण वेळापत्रक
अधिसूचना जारी (Notification Date): 29 सप्टेंबर 2026
उमेदवारी अर्ज भरण्याची अंतिम तारीख (Nomination Last Date): 6 ऑक्टोबर 2026
अर्जांची छाननी (Scrutiny): 7 ऑक्टोबर 2026
अर्ज मागे घेण्याची अंतिम तारीख (Withdrawal Last Date): 9 ऑक्टोबर 2026
मतदानाची तारीख व वेळ (Poll Date & Time): 23 ऑक्टोबर 2026 (सकाळी 8 ते दुपारी 4)
मतमोजणी व निकाल : 27 ऑक्टोबर 2026
◼️कोणत्या पदवीधर आणि शिक्षक मतदारसंघांमध्ये निवडणूक होणार?
1. औरंगाबाद पदवीधर: सतीश भानुदास चव्हाण (राष्ट्रवादी काँग्रेस - शरद पवारांची राष्ट्रवादी / मविआ)- माजी आमदार
2. पुणे पदवीधर: अरुण गणपती लाड (राष्ट्रवादी काँग्रेस - शरद पवारांची राष्ट्रवादी / मविआ)- - माजी आमदार
3. नागपूर पदवीधर: अभिजीत गोविंदराव वंजारी (काँग्रेस)- माजी आमदार
4. अमरावती शिक्षक: किरण रामराव सरनाईक (शिवसेना - शिंदे गट)- माजी आमदार
5 पुणे शिक्षक: जयंत दिनकर आसगावकर (काँग्रेस)- माजी आमदार
