सोलापूरच्या इतिहासात पहिल्यांदाच २ विमान कंपन्यांची विमानसेवा. पण विमानसेवा सुरू करणाऱ्या विचार मंचचा प्रशासनाला पडला विसर.
सोलापूर प्रतिनिधी तेज न्यूज
आज स्टार एअर कंपनीची सोलापूर ते मुंबई व मुंबई सोलापूर विमान सेवा सुरू झाली त्याचे उद्घाटन माननीय मुख्यमंत्री श्री देवेंद्र फडणवीस, नागरी उद्ययन राज्यमंत्री मुरलीधर मोहोळ, पालकमंत्री जयकुमार गोरे व इतर मान्यवरांनी केले.
पहिल्या विमानात सुमारे पंनास प्रवाशांनी प्रवास केला व हे विमान सोलापूर वरून ठीक चार वाजून दहा मिनिटांनी निघून मुंबईमध्ये पाच वाजून वीस मिनिटांनी पोहोचले .
विमानतळावर सोलापूर विचार मंच तर्फे स्याविन आडके व स्वेतलाना आडके यांनी मुख्यमंत्र्यांना पुष्पगुच्छ देऊन स्वागत केले.
सोलापूर विचार मंचने मागील पाच वर्षांमध्ये सोलापूरचे होटगी रोड विमान तळ सुरू करण्यासाठी व येथून विमानसेवा सुरू करण्यासाठी जे अथक परिश्रम घेतलेले आहेत त्यामध्ये आज सोलापूर ते मुंबई ही विमानसेवा सुरू झाल्याने खऱ्या अर्थाने सोलापूर हे आज आंतरराष्ट्रीय पटलावर आणले आहे व येथून पुढे सोलापूरची प्रगती झपाट्याने होईल.
लवकरच सोलापुरातून हैदराबाद ,बेंगलोर तिरुपती, नवी दिल्ली व अहमदाबाद या ठिकाणी उडान योजनेअंतर्गत विमानसेवा सुरू करण्यासाठी या विमानात प्रवास करणारे सोलापूर विचार मंचचे सहसंस्थापक डॉ. संदीप आडके यांनी सांगितले.
सोलापूर विचार मंचने आपल्या प्रयत्नातून व लोकसहभागातून अशक्य वाटणाऱ्यी सोलापूरची विमानसेवा शेवटी सुरू करून दाखवलेली असताना सुद्धा याप्रसंगी प्रशासनास सोलापूर विचार मंचचा विसर पडावा ही सुद्धा अतिशय खेदाची बाब आहे.
