पंढरपुर प्रतिनिधी तेज न्यूज
पंढरपूर येथील निशिगंधा बँकेची ३० वी वार्षिक सर्वसाधारण सभा चेअरमन् आर. वी. जाधव यांच्या अध्यक्षतेखाली खेळीमेळीच्या वातावरणात पार पडली. यावेळी सभासदांना ९ टक्के जाहीर करण्यात आला गत पंधरा वर्षात निशिगंधा बँकेने सभासद व ठेवीदारांची विश्वासार्हता जपत कल्याणराव काळे यांच्या मार्गदर्शनाखाली समाधानकारक प्रगती केली आहे.
यावेळी बँकेचे मार्गदर्शक व संचालक कल्याणराव काळे यांनी गेल्या पंधरा वर्षात बँकेने केलेल्या प्रगतीचा आढावा सभासदांसमोर ठेवला आणि लवकरच बँकेची स्वमालकिची इमारत उभी करण्याचा मानस बोलून दाखविला, यावेळी व्हा. चेअरमन् सतिश लाड, संचालक देविदास सावंत, बी. बी. सावंत, डॉ. मंदार सोनवणे, भागवत चवरे, वैभव साळुंखे, महेश पटवर्धन, अनिल निकते संचालिका ॲड. सौ. क्रांती कदम, सौ शोभा येडगे उपस्थित होते. यावेळी "आदर्श सभासद" म्हणून राज जाधव, सौ. अर्चना ताड, श्रीकांत चौगुले, नवनाथ काळे, दिनेश कौलगे, राहुल चव्हाण, दिपक मोरे, सौ. सुनिता कौलगे, संदिप गाजरे, रामचंद्र जाधव या मान्यवरांचा सन्मानचिन्ह, प्रमाणपत्र व आंब्याचे रोप देऊन यथोचित सत्कार करण्यात आला.
सभेच्या पुर्वी एक तास सभासदांसाठी आयोजित केलेल्या "सभासद प्रशिक्षण" वर्गामध्ये सातारा येथील सायबर तज्ञ हेमंत देशमुख यांनी सायबर गुन्हे आणि त्यासाठी घ्यावयाची काळजी, याबाबतची सखोल माहिती यावेळी उपस्थितांना दिली.
निशिगंधा सहकारी बँकेच्या सन २०२४-२०२५ या आर्थिक वर्षातील कामकाजाचा आढावा घेताना कल्याणराव काळे म्हणाले कि, मार्च २०२५ अखेर बँकेचे ४८६७ सभासद असून बँकेकडे रू. ४२.५० कोटींच्या ठेवी असून, रू.२०.७४ कोटींचे कर्जवाटप केलेले आहे व रू. २०.४० कोटींची गुंतवणूक केली आहे. चालू अर्थिक वर्षात बैंकेस रू.४३.७६ लाख रूपयांचा नफा झालेला आहे. लवकरच बँकेचे एटीएम सुरू होत असून आण्णासाहेब पाटील महामंडळाची व्याज परतावा योजना तसेच, पर्यटन विकास मंत्रालय, महाराष्ट्र शासन यांचे मार्फत सुरू केलेल्या "आई" योजनेतुन ही कर्ज वाटप सुरू आहे.
या योजनेचा तरूण व महिला उद्योजकांनी जास्तीत जास्त फायदा घ्यावा तसेच अल्प व्याजदरात सोनेतारण, सी. टी. एस. चेकबुक, आरटीजीएस, एनएफई टी, ई-पेमेट, तसेच शाखा भाळवणी येथे सेफ डिपॉझिट लॉकर्स ची सोय इ. सेवा बैंक देत आहे त्याचा लाभ सर्व सभासदांनी घ्यावा.सभेच्या सुरूवातीस श्री विठ्ठलाच्या प्रतिमेचे पूजन सर्व संचालकांच्या हस्ते करण्यात आले.
मुख्य कार्यकारी अधिकारी कैलास शिर्के यांनी विषयपत्रिकेवरील विषयांचे वाचन केले, त्यास सभासदांनी आवाजी मतदानाने मंजूरी दिली. यावेळी अहवाल सालातील दिवंगत सभासद, ठेवीदार, हितचिंतक यांना श्रध्दांजली वाहण्यात आली. सभेस डॉ. राजेंद्र जाधव, नितीन देवकर, बाळासाहेब काळे (गुरूजी), सतीश कटकधोंड, आदि बहुसंख्येने उपस्थित होते. आभार व्हा. चेअरमन् सतिश लाड यांनी मानले.
