सोलापूर प्रतिनिधी
पुण्यश्लोक अहिल्यादेवी होळकर सोलापूर विद्यापीठ सोलापूर येथे चौदाव्या आंतर महाविद्यालयीन विद्यापीठस्तरीय अविष्कार २०२३-२४
या संशोधन महोत्सवात केगांव येथील एन. बी. नवले सिंहगड अभियांत्रिकी महाविद्यालयातून पदवी विभागातून १६ विद्यार्थ्यांनी त्यांच्या प्रकल्पासह सहभाग नोंदविला होता. या संशोधन महोत्सवात विविध ६ प्रवर्गातून ४५० हून जास्त संशोधकांनी सहभाग नोंदविला होता. त्यामध्ये सोलापूर सिंहगड अभियांत्रिकी महाविद्यालयातील अमेय कुलकर्णी या विद्यार्थ्याला इंजिनीअरिंग अँड टेकनॉलॉजी या प्रवर्गातून तृतीय पारितोषिक मिळाले.पुण्यश्लोक अहिल्यादेवी होळकर सोलापूर विद्यापीठ आयोजित अविष्कार स्पर्धेत सिंहगड अभियांत्रिकी महाविद्यालयातील समन्वयक प्रा. सुनील शाखापुरे यांनी विद्यार्थ्यांना मार्गदर्शन केले.
या यशाबद्दल सिंहगड संस्थेचे सहसचिव संजय नवले, सिंहगड महाविद्यालयाचे प्राचार्य डॉ. शंकर नवले, उपप्राचार्य डॉ.रवींद्र व्यवहारे व डॉ. शेखर जगदे तसेच सर्व शिक्षक व शिक्षकेत्तर कर्मचारी,सर्व विद्यार्थ्यांनी अभिनंदन केले.
