निषाद पवार आणि ज्ञानेश्वर दुधाणे यांच्या तबला पखवाज साथीने वाढली रंगत
पनवेल प्रतिनिधी
श्री स्वामी समर्थ मठ मंदिर धोंडळी तळोजे पनवेल येथील दत्त जयंती संगीत महोत्सवामध्ये प.पूज्य योगीराज यशवंत महाराज यांच्या मार्गदर्शनाखाली गेली २५वर्ष अखंड सुरू असलेल्या रौप्यमहोत्सवी वर्षातील संगीत महोत्सवामध्ये दुसरे पुष्प ख्यातनाम गायक पं.उमेश चौधरी आणि पं.राम मराठे यांची नात स्वरांगी मराठे-काळे यांच्या शास्त्रीय व उपशास्त्रीय गायनाने गुंफले.
सुरुवातीला राग केदार मधील कान्हा रे,नंतर जय जय दुर्गा बंदीश गाऊन अभिजात शास्त्रीय संगीताची मेजवानी देत जय जय राम कृष्ण हरी, निघालो घेऊन दत्ताची पालखी,सदा माझे डोळा,अवघे गर्जे पंढरपूर,नरवर कृष्णा समान,मी राधिका,सुरत पिया की,आता कोठे धावे मन,आदी अप्रतिम संतरचना भावगीत गाऊन शेवटी अगा वैकुंठीच्या राया या भैरवीने कार्यक्रमाची सांगता करण्यात आली.तबला आणि पखवाज यांच्या साथीने अधिक रंगत आणली.त्यांना तितकीच अप्रतिम दमदार साथसंगत तबला निषाद पवार पखवाज ज्ञानेश्वर दुधाणे हार्मोनियम श्रेयश गोवित्रीकर,टाळ गुरुदास कदम,तर निवेदन वृषाली आमडेकर यांनी केली.
यावेळी रायगड भाजपा अध्यक्ष अविनाश कोळी,तसेच अध्यक्ष सखाराम पाटील,अमीत सोनिमिंडे, कार्याध्यक्ष कांतीलाल पाटील,विजय पाटील,सचिव कैवारी पाटील,भरत पाटील आणि शिष्य परिवार मंडळींनी अधिक परिश्रम घेतले सात दिवस चालणाऱ्या या महोत्सवात अनेक नामवंत कलाकारांच्या गायनाचा लाभ घेण्याचे आवाहन श्री नवनाथ सेवा मंडळाच्या वतीने यशवंत महाराज यांनी केले आहे
