*भाळवणीत यशकिर्ती क्लासेस व आयुष लॅबकडून मुलीची हिमोग्लोबिन तपासणी*
भाळवणी प्रतिनिधी
पंढरपूर तालुक्यातील भाळवणी येथील किर्ती कॉम्प्युटर्स संचालक राहुल ताठे व राज लिंगडे यांनी वाढदिवसाचे औचित्य साधून आयुष पॅथालॉजी यांच्या संयुक्त विद्यमाने शिक्षण घेत असताना शिक्षणाबरोबर मुलांचे आरोग्य चांगले राहावे या हेतूने मुलांची हिमोग्लोबिन व रक्तगट तपासणी शिबीर आयोजित केले होते. तसेच विद्यार्थ्यांना वह्या व पेन यांचे ही वाटप करण्यात आले.
यावेळी कर्मयोगी विद्यानिकेतन शेळवेचे प्राचार्य राज शिंदे ,दामाजी एक्सप्रेसचे पत्रकार प्रशांत माळवदे,आनंद देशपांडे ,आयुष लॅबचे डॉ.वैभव लिंगे,यशकिर्ती क्लासचे शिक्षक भोसले ,आयवळे ,अमोल लिंगे , सर्व विद्यार्थी व विद्यार्थिनी उपस्थित होते.
यावेळी शिंदे म्हणाले मुली जास्त अभ्यास करतात पण आपल्या आरोग्यकडे लक्ष देत नाहीत. त्यामुळे आजारी पडतात. अभ्यासा बरोबर आरोग्या कडे हि लक्ष दिले पाहिजे.
या कार्यक्रमाचे सूत्रसंचालन राहुल ताठे यांनी केले तर आभार राज लिंगडे यांनी मानले.
