भाळवणीतील श्री विठ्ठल-रुक्मिणी मंदिरात आषाढी एकादशीनिमित्त महापूजा संपन्न

 

भाळवणी (ता. पंढरपूर) प्रतिनिधी तेज न्यूज 

आषाढी एकादशीच्या पावन पर्वानिमित्त पंढरपूर तालुक्यातील भाळवणी येथील रविवार पेठेतील श्री विठ्ठल-रुक्मिणी मंदिरात भक्तिमय वातावरणात महापूजा संपन्न झाली. शिवसेना (उद्धव बाळासाहेब ठाकरे) पंढरपूर उपतालुकाप्रमुख प्रवीण शिंदे यांच्या हस्ते श्री विठ्ठल-रुक्मिणीची विधिवत महापूजा करण्यात आली.

पहाटे उत्सवमूर्तीचा अभिषेक करण्यात आला. त्यानंतर श्री विठ्ठल-रुक्मिणीची आरती करून उपस्थित भाविकांना केळीचे वाटप करण्यात आले. संपूर्ण मंदिर फुलांनी साजविण्यात आले होते. मंदिर परिसर विठ्ठलनामाच्या जयघोषाने व भक्तिमय वातावरणाने भारावून गेले होते.

यावेळी आनंद देशपांडे, दादा आगलावे, जालिंदर शिंदे, उपसरपंच नितीन शिंदे, सुनील माने, सुधीर गांधी, अमोल लंगोटे, प्रशांत माळवदे, राजू बिडवे, पुरुषोत्तम शिंदे, राजू शिंदे, सदाशिव वाघमारे, मनोज गाजरे, दत्ता लोखंडे, सखाराम लोखंडे, दगडू शिंदे यांच्यासह महिला व भाविक भक्त मोठ्या संख्येने उपस्थित होते.