सांगोला प्रतिनिधी तेज न्यूज
सांगोला येथील रोटरी क्लबच्या वतीने जाहीर करण्यात आलेल्या राष्ट्रशिल्पकार पुरस्कारांचा वितरण समारंभ आज उत्साहपूर्ण वातावरणात पार पडला. सांगोला अर्बन बँकेच्या महात्मा फुले सभागृहात आयोजित या कार्यक्रमास शिक्षक, शिक्षणप्रेमी नागरिक व मान्यवरांची मोठ्या संख्येने उपस्थिती लाभली.
या कार्यक्रमाला सहाय्यक प्रांतपाल डॉ. कैलास करंडे प्रमुख पाहुणे म्हणून उपस्थित होते. व्यासपीठावर अध्यक्ष श्रीपती आदलिंगे, सचिव विजय म्हेत्रे, प्रकल्प मार्गदर्शक गुलाबराव बाबर, डॉ प्रभाकर माळी उपस्थित होते.
आपल्या मार्गदर्शनपर भाषणात डॉ करांडे यांनी शिक्षकांच्या भूमिकेवर प्रकाश टाकत सांगितले की, “आजच्या डिजिटल युगात शिक्षकांची जबाबदारी अत्यंत मोठी आहे. विद्यार्थ्यांना केवळ शैक्षणिक ज्ञान देणे पुरेसे नसून त्यांना संस्कार, मूल्ये आणि योग्य दिशा देणेही तेवढेच महत्त्वाचे आहे. मोबाईल ,फोन आणि समाजमाध्यमांचा अतिरेक विद्यार्थ्यांच्या विकासावर परिणाम करत आहे. त्यामुळे शिक्षक व पालकांनी मिळून विद्यार्थ्यांना या गोष्टींपासून दूर ठेवण्याचा प्रयत्न करणे गरजेचे आहे.”
यावेळी राष्ट्रशिल्पकार पुरस्काराने गौरविण्यात आलेल्या मान्यवरांमध्ये , भागवत भाटेकर, बापूसो भंडगे, बाबू पांढरे, स्मिता शिंदे- गायकवाड, ज्ञानेश्वर इंगोले, भाग्यश्री कुलकर्णी आणि प्रविण आदळींगे यांचा समावेश होता. सर्वांना शाल, श्रीफळ, सन्मानचिन्ह व प्रशस्तीपत्र देऊन सन्मानित करण्यात आले.
याच कार्यक्रमात जागतिक महिला दिनाचे औचित्य साधून रोटरी क्लबच्या महिला सदस्यांचा विशेष गौरव करण्यात आला. रोटरी क्लबचे माजी सचिव प्रवीण मोहिते दरवर्षी महिला दिनानिमित्त हा उपक्रम राबवितात. यावेळी त्यांनी आपल्या मनोगतात सांगितले की, “जागतिक रोटरी क्लबमध्ये महिला सदस्यांचे योगदान अत्यंत कौतुकास्पद आहे. महिला संसार सांभाळून या जागतिक संस्थेमध्ये सामाजिक कार्यात अग्रेसर राहतात, ही अभिमानाची बाब आहे.”
.jpg)
