पंढरपूर प्रतिनिधी
दि.२०/०२/२०२५ रोजी करकंब पोलीस ठाणे सहायक पोलीस निरिक्षक सागर कुंजीर यांना गोपनिय बातमीदारा मार्फत मौजे भोसे ता. पंढरपूर गावचे हददी मध्ये भेसळ युक्त दुध तयार करून त्याची वाहतुक होत असले बाबत बातमी मिळाली होती. त्या अनुषंघाने अन्न व औषध प्रशासन, यांचे मदतीने छापा कारवाई करून मुख्य आरोपी नामे दत्तात्रय महादेव जाधव रा. भोसे ता. पंढरपुर याचे मालकीचे जागेतुन कृत्रीम दुध बनविण्यासाठी लागणारा कच्चा माल मोठ्या प्रमाणात जप्त करण्यात आला होता.
त्याअनुषंघाने करकंब पोलीस ठाणे येथे गु.र.नं. ५०/२०२५ भा.न्या.सं. २०२३ चे कलम १२३,२७४, २७५,३ (५) सह अन्न सुरक्षा व मानदे कायदा कलम ३ (१) (a), ३ (१) (ZZ) (V), २६(१), २६(२) (१), २६(२) (V), २७(१), चे उल्लघन करून शिक्षापात्र कलम ५९ प्रमाणे गुन्हा दाखल करण्यात आला होता.
सदर गुन्हयात आरोपी नामे सचिन अरुण फाळके, वय ३१ वर्षे, रा. पांढरेवाडी, ता. पंढरपुर यास अटक करण्यात आली होती. व इतर मुख्य आरोपी नामे १) दत्तात्रय महादेव जाधव, त्याची पत्नी २) सोनाली दत्तात्रय जाधव दोघे रा. भोसे ता. पंढरपूर तसेच ३) अनिकेत बबन कोरके रा. सुगाव भोसे ता. पंढरपूर ४) पृथ्वीरात उर्फ सोन्या नवनाथ शिंदे रा. पांढरेवाडी ता. पंढरपूर हे फरार होते.
गुन्हयाचा पुढील तपास डॉ. अर्जुन भोसले, उप-विभागीय पोलीस अधिकारी, पंढरपूर हे करीत असताना तांत्रीक तपास व गोपनीय बातमीदार यांचे मदतीने मुख्य आरोपी नामे दत्तात्रय महादेव जाधव, त्याची पत्नी सोनाली दत्तात्रय जाधव हे दोघे खाटुबडी राजस्थान येथे असल्याची बातमी मिळाल्याने पंढरपूर शहर पोलीस ठाणेचे सपोनि अशिष कांबळे व सोबत पोहेकों/प्रसाद आवटी, मपोहेकों/मोनिका पवार, पोकों/शहाजी मंडले यांनी तेथे जावुन नमुद दोन्ही आरोपींना शोधुन अटक केले. तसेच सपोफी शरद कदम, पोहेकों/सुरज हेंबाडे यांनी अनिकेत बबन कोरके यास पुणे येथुन तर पृथ्वीराज शिंदे यास अकलुज येथुन ताब्यात घेतले. नमुद कारवाई करीता सायबर विभागाचे पोकों/रतन जाधव यांनी तांत्रीक मदत केली आहे.
सदर गुन्हयाचा तपास अतुल कुलकर्णी, पोलीस अधिक्षक सोलापूर ग्रामीण, प्रितम यावलकरअप्पर पोलीस अधिक्षक , सोलापूर ग्रामीण, यांचे मार्गदर्शनाखाली डॉ. अर्जुन भोसले, उप-विभागीय पोलीस अधिकारी , पंढरपूर उप विभाग पंढरपूर व त्यांची टिम सपोनि सागर कुंजीर, पोसई हमीद शेख, निलेश गायकवाड, पोहेकों/बापुराव मोरे, अशोक भोसले, निलेश रोंगे, पोना/राहुल लोंढे, विनोद शिंदे, पोकों/सिताराम चव्हाण, स्वप्निल बागल इत्यादी पोलीस अधिकारी व अंमलदार करीत असुन सध्या अटक आरोपी पोलीस कोठडीत असुन गुन्हयाचा पुढील तपास चालु आहे.
