पंढरपूर प्रतिनिधी तेज न्यूज
दिनांक २३/०२/२०२५ रोजी गुन्हे प्रकटीकरण शाखेचे अंमलदार व महिला पोलीस अंमलदार हे व्हिआयपी बंदोबस्ताचे अनुशंगाने पंढरपुर शहरात पेट्रोलिंग करीत असताना त्यांना मंगळवेढा पंढरपुर जाणारे रोडवरील लिंगायत स्मशानभुमी समोर रोडवर अंधारे जागेत एक पांढरे रंगाची हयुंडाई कंपनीची आय २० गाडी नं एमएच १३ बीएन ९६२२ ही गाडी रात्रौ २०/४५ वा चे सुमारास संशयास्पद रितीने उभी असलेली दिसली. सदर गाडीचा संशय आलेने संशयित गाडीस पोलीस स्टाफ यांनी गराडा घातला व गाडी चालकास व त्याचे सोबत मागील सीटवर गाडीत आणखीन 3 महिला बसलेल्या दिसल्या.
सदर संशयितांकडे अधिकची चौकशी केली असता सदर गाडीच्या डिक्कीमध्ये काही सिलबंद पॉकेट दिसली. सदर गाडीतील सिलबंद पाकीटे पाहता त्याचा उग्र व आंबट वास येत असलेने सदरची पांढरे रंगाची हयुंडाई कंपनीची आय २० गाडी नं एमएच १३ बीएन ९६२२ ही गाडीसह संशयित तीन महिला व एक पुरुष यांना पुढील चौकशीकामी पंढरपुर शहर पोलीस ठाणे येथे आणुन अधिकची चौकशी केली असता सदर गाडीमध्ये तब्बल ३२.१३४ किलो ग्रॅम वजनाचा ६,४२,६८०/- रू किं. चा गांजा असलेने त्यांचेविरोधात पंढरपुर शहर पोलीस ठाणे गुन्हा रजि नं १२७/२०२५ एनडीपीएस कायदा कलम २० (ब) ii (क) अन्वये गुन्हा दाखल केला असुन यामध्ये ०३ महिला व ०१ पुरुष आरोपीसह एकुण ०४ आरोपी अटक केलेले आहेत.सदर आरोपींकडुन खालीलप्रमाणे मुददेमाल जप्त करणेत आलेला आहे.
१) ६,४२,६८०/- रू. अंदाजे किंमतीचा प्रतिबंधित गांजा
३) ८,००,०००/- रू किं एक पांढरे रंगाची हयुंडाई कंपनीची आय २० गाडी नं एमएच १३ बी एन ९६२२ एकुण १४,४२,६८०/- किंमतीचा मुददेमाल आरोपी व कार सह ताब्यात घेतला.
सदरची उल्लेखनीय कामगीरी ही पोलीस अधिक्षक अतुल कुलकर्णी , अप्पर पोलीस अधिक्षक प्रितमकुमार यावलकर , उपविभागीय पोलीस अधिकारी पंढरपूर विभाग, डॉ. अर्जुन भोसले व वरिष्ठ पोलीस निरीक्षक, पंढरपूर शहर पोलीस ठाणे विश्वजीत घोडके , यांचे मार्गदर्शनाखाली पंढरपुर शहर गुन्हे प्रकटीकरण शाखेचे प्रभारी सपोनि आशिष कांबळे, श्रेणी. पोसई राजेश गोसावी, सपोफौ शरद कदम, कल्याण ढवणे, सुरज हॅबाडे, सिरमा गोडसे, सचिन हेंबाडे, प्रसाद औटी, पोलीस नाईक सचिन इंगळे, पोकों शहाजी मंडले, समाधान माने, बजरंग बिचकुले, निलेश कांबळे, मपोका रेश्मा सांगोलकर सायबर सेलचे रतन जाधव यांनी केली आहे तसेच पुढील तपास सपोनि भारत वाघे हे करीत आहेत.
