मोहोळ प्रतिनिधी
१९८२ साली स्थापन झालेल्या माळी महासंघाच्या मोहोळ तालुकाध्यक्ष पदी श्रीपाल वसेकर यांची नियुक्ती करण्यात आली असल्याची माहिती माळी महासंघाचे सोलापूर जिल्हा अध्यक्ष रंगनाथ नाळे यांनी दिली.
महाराष्ट्रातील माळी समाजातील समस्या सोडविण्यासाठी माळी महासंघाचे राष्ट्रीय अध्यक्ष अविनाश ठाकरे यांच्या नेतृत्वाखालील संपुर्ण महाराष्ट्रात माळी महासंघ कार्यरत असुन महासंघाच्या माध्यमातून माळी समाजाचा विकासात्मक दृष्टीकोनातून डोळ्यासमोर ठेवून महासंघ भविष्याची वाटचाल करत आहे.
माळी महासंघ महाराष्ट्रातील राजकीय, शैक्षणिक, सांस्कृतिक, सामाजिक, रोजगार, कृषीविषयक अशा विविध क्षेत्रात राष्ट्रीय अध्यक्ष अविनाश ठाकरे यांच्या नेतृत्वाखालील काम चालू आहे. मोहोळ तालुक्यातील नागरिकांना येणाऱ्या अडी-अडचणी सोडविण्यासाठी माळी महासंघाच्या मोहोळ तालुकाध्यक्ष पदी श्रीपाल वसेकर यांची अविरोध निवड झाली असल्याची माहिती जिल्हाध्यक्ष रंगनाथ नाळे यांनी दिली.
श्रीपाल वसेकर यांची तालुकाध्यक्ष पदी निवड झाल्याबद्दल उद्योजक फोरमचे संस्थापक अध्यक्ष अविनाश ठाकरे, प्रदेशाध्यक्ष अरूण तिखे, राष्ट्रीय उपाध्यक्ष आण्णा गायकवाड, पश्चिम महासचिव चंद्रकांत वाघोले आदींसह अनेकांनी अभिनंदन करून पुढील वाटचालीस शुभेच्छा दिल्या आहेत.
